الانتقال للخلف   Zamalek Sporting Club Forums منتديات زمالك تي في اكبر منتدى رياضي مصري > الزمالك > المقالات





إضافة رد
 
LinkBack أدوات الموضوع انواع عرض الموضوع
  #1  
قديم 09-24-2014, 09:21 AM
الصورة الرمزية k h a l e d
k h a l e d k h a l e d غير متصل
zamalek.tv
 
تاريخ التسجيل: Sep 2005
المشاركات: 67,029
معدل تقييم المستوى: 79
k h a l e d will become famous soon enough
بيكهــــام أوت أوف ذا بـــــوكس !!

Advertisement

أعزائى المشاهدين أهلاً وسهلاً بكم فى برنامجكم اليومى " بيكهام أوت أوف ذا بوكس " على قناة "أوف تى فى "الانجليزية،حقيقة مش عارف أبدأ منين بعد مباراة مانشيستر يونايتد وليستر سيتى واللى اتلب فيها مانشيستر 5 اجوال وبكرر ليستر سيتى ياريته حتى مانشيستر سيتى وده يقودنا الى سؤال "ايه اللى بيحصل فى مانشيستر بعد كل الصفقات ديه؟"،معانا على الهاتف سيادة السير "إفرام مالكولم جليزر " ابن المرحوم "مالكولم جليزر" مالك النادى،سيادة السير ازاى حضرتك؟

إفرام:ويلكام يا بيكهام؟

بيكهام:ايه حضرتك اللى بيحصل فى مانشيستر؟

إفرام:انا مش مبسوط خالص ونهائى،انا مش جايب الصفقات ديه كلها عشان فى النهاية الاقى جونى ايفينز واندرسون بيتنيلوا يلعبوا ،انا لو برينج ماى مازرز تلعب،شى ويل بلاى بيتر ذان وات اى ووتش توداى.

بيكهام:سو سيادة السير ، انت شايف ان سبب اللوسيز اللى بيحصل اشراك ايفينز واندرسون؟

إفرام:بص يا بيكهام،انا بيج لوير فى انجلترا،زميل الكلية الملكية المصرية للحقوق،نقيب محاميين انجليز سابق،رئيس لجنة اندية،امين طلبة حقوق كامبريدج،ابن ملكولم جليرز مالك مانشيستر بخبرته،يعنى خبرتى وقيادتى سواء قبل بابا او معاه او بعده بتقول ان جوز اللاعبين دول ما يلعبوش تانى

بيكهام:بس حضرتك ديه رؤية مدير فنى؟

إفرام:يعنى ايه يعنى،يعنى انت عايز تقول انى مافهمش كورة يا بيكهام،احترم نفسك وافتكر ان سيديهات فيكتوريا مراتك كلها معايا،انت نسيت نفسك ولا ايه!

بيكهام:جرى ايه يا سيادة السير فيه ايه؟!سؤالى واضح فيه مدير فنى وحضرتك رئيس نادى ايه جاب سيرة فيكتوريا والحوارات ديه،مع العلم ان فيكتوريا اصلا لو عملت سيرش على جوجل هيظهر كل حاجة مش محتاجة سيديهات،حضرتك دلوقتى هتعمل ايه؟

إفرام:بص يا بيكهام،ايفينز واندرسون مايلعبوش تانى،انا مش شارى صفقات قد كده عشان فان جال يلعبهم،انا بقول اهوه،مويس نفسه مكانش معاه الصفقات ديه ومع ذلك دعمناه للنهاية بس فى الاخر جيبنا فان جال وجبتله فالكاو وبليند وكام صفقة،فماجيش فى النهاية الاقى ايفينز واندرسون اللى بينرفزنى اصلاً يلعب.

بيكهام:طب حضرتك شايف ايه؟

إفرام:من الاخر،فان جال يلعب باتنين فراوده صراح،رونى وفالكاو ووراهم فان بيرسى،يلعب كده اهلاً وسهلا مايلعبش يروح،وايفينز واندرسون ماشوفهمش تانى،ورافييل ماست كات هيز هيير عشان مانزلش اكت هيز هير بنفسى.

بيكهام:طب حضرتك خوان ماتا؟

إفرام: بلا خوان بلا سلف،مش ناقصه راخر،اهو يلعب احتياطى.

بيكهام:اى كانت بيليف تدخل حضرتك المباشر فى شؤوون مدير فنى؟

إفرام:احترم نفسك واعرف انت بتكلم مين،اى ويل فاك انى وان ويل سيي وات يو سيد اجين..........

تيت تيت تيت

بيكهام: نو نو نو،سورى مستر سير،اقفل الخط يا جونى بعد اذنك،انا عاوز اقول ان ماينفعش ابداً يا مستر السير يوصل الموضوع لشتيمة وتجاوز،وبجد عيب جداً اللى حصل ده،نطلع لفاصل ونرجع

فااااااااااااااااااااااااااااااااااااااااصل

بيكهام:عودة من جديد،انا جالى دلوقتى منشور مضحك الحقيقة من قناة بى سى بى فى برنامج" الكورة مع شيلتون" بيقول الاتى لشروط إفرام مالك منشيستر لبقاء فان جال:

اللعب باتنين فراودة

استبعاد ايفينز واندرسون من الفريق ورجوعهم لما يجددوا.

فى حالة لعب فان جال براس حربة واحد سانزل للملعب ويرحل فوراً.

منع دخول بيكهام نادى مانشيستر يونايتيد.

ديه كانت اهم قرار سيادة مستر السير افرام،عاوز اقول حاجة،بيكهام قدم عمره كله عشان مانشيستر،بيكهام اللى لعب فى صفوف ناشئيه وكبر واترعرع فيه،خد دورى وكاس وكاس كؤووس وكاس الملكة واحترفت ودخلت للنادى فلوس قد كده وبحب النادى فيرى ماتش فرووم ماى اتشايلد هوود،وللاسف معاليك جى تقولى مش داخل النادى،النادى مش فيليدج اهلك ولا بمزاجك واياك تفتكر يا سيادة المستر السير لما تصدر قرارات زى ديه حتى لو اتطبقت انى مش وييل انتر ذا كلوب اجين، بالعكس انا هدخله هدخله حتى بعد قيادتك عشان الناس بتعرف تميز مين اللى ادى النادى ومين لأ،واياك تنسى ان بيتر شيلتون اللى انت روحت تقولوا قراراتك عنده كنت متخانق معاه لولا سيادة الملكة ما صلحتكم،ياللا خلونا ساكتين..

نروح بقى للكورة العالمية ونطلع لمصر،فاز فريق الزمالك على الجيش 6-1 فى مباراة اشبه ان تكون مباراة استعراضية اثبت فيها فريق الزمالك انه اتغير كتير فيها عن مباراة السوبر.

.................

......................

............................

والى هنا تنتهى حلقة اليوم من برنامجكم "بيكهام اوت اوف ذا بوكس" ونلقاكم غداً فى نفس الميعاد..جوود باى.

والسؤال الآن عزيزى القارئ..

ليه دايماً فى برامج برة مش هنا طبعاً ،المذيع بيجيب لعيب ويفضل يسأله على ابوه وامه اللى ماتوا لغاية ما يخليه يعيط بالعافية؟

ليه برامج برة بتاعة الكورة زى " جود افينينج انوار" و "الكورة مع شيلتون " و"بيكهام اوت اوف ذا بوكس" برامج كلها حشو وهرى وخلاص مافيهاش كورة.

برنامج " ذا بوول ايذ نوت ويز افيفي" ماشافتش النور وبرامج حمضانه زى اللى فوق ديه هى اللى بتتصدر المشهد؟!

ليه الكورة بره شوية صراعات وخناقات ومفيش حد عارف حقوق البث من قبلها بفترة بدل ما الكل بيحتاس هو الماتش على قناة "اوف ذا بوكس وان ولا +2" ولا قناة "بحر المانش سبورت"؟!

ليه بيشغلوا اغنية حزينه فى الخلفية وهما بيستضيفوا "ديفيد لويز" وبيشغلولوا تريللر عن جماهير تشيلسى بعد ما مشى وسابهم؟

ليه نادى ارسنال حاطيت جلاد احمر مخبى بيه اعلان "اتصالات" اللى ماينفعش يظهر بدل ما يعمل تيشيرت بدون اعلان وخلاص بدل ما هو ساحب كل الجلاد الاحمر اللى فى سوق وموسم الدراسة اشتغل والتلاميذ محتاجه جلاد؟

ليه قناة " بحر المانش سبورت " مايجيبوش 3 لمبات نيون زيادة فى الاستديو ينوروا بيها بدل ماهو استديو كئيب وشكله يقرف ومضلم؟!

واخيراً السؤال الاهم فى الموضوع ده كله..؟

ليه حوارات نادى مانشيستر زى اللى تمت بين بيكهام وبين سيادة السير مالك النادى بقت علنيه ومخذية بالشكل ده،ليه الجمهور مش قادر لا يفرح بصفقاته واهراماته واللى على السد وبقى مكتوب عليه مشاكله كلها تليفزيونية؟ليه مالك النادى بدل ما طلع عمل الشو ده كان لم اللعيبة بعد الماتش وعنفهم واجتمع بالجهاز وعرفوا مشاكله معاهم بدل الهم اللى الجمهور مابقاش قادر يتحمله ده؟ليه هتخلى تاثيرك المباشر وغير المباشر مادة دسمة للاعلام وتخلى السكينة مسنونة عليك على طول؟ليه وقت المشاكل نلاقى فان جال بيقول على مويس انه درانكار ومويس يرد عليه ان فان جال انه كان بيسيب لعيبة هولندا مع ساقطات فى المعسكرات وهو عارف؟مش الافضل وقت الشدة نتكاتف مش ننشر الديرتى تيشيرتات بالطريقة ديه؟!

ياريتنا نتعلم من مصر حاجة نستفيد بيها بجد..ياريت !!



fd;iJJJJhl H,j H,t `h fJJJJJ,;s !!


رد مع اقتباس
  #2  
قديم 09-24-2014, 06:21 PM
aki aki غير متصل
Head Coach
 
تاريخ التسجيل: Jan 2003
العمر: 42
المشاركات: 14,524
معدل تقييم المستوى: 29
aki is on a distinguished road
maqala mobde3a

رد مع اقتباس
  #3  
قديم 09-24-2014, 09:31 PM
الصورة الرمزية metoo.ahmed
metoo.ahmed metoo.ahmed غير متصل
Coach
 
تاريخ التسجيل: Aug 2010
الإقامة: alexandria
المشاركات: 4,009
معدل تقييم المستوى: 11
metoo.ahmed is on a distinguished road
اقتباس:
المشاركة الأصلية كتبت بواسطة aki مشاهدة المشاركة
maqala mobde3a

رد مع اقتباس
  #4  
قديم 10-09-2014, 02:02 PM
الصورة الرمزية البرنس هانى
البرنس هانى البرنس هانى غير متصل
25-1-2011
 
تاريخ التسجيل: Feb 2008
الإقامة: بلد معانده نفسها
المشاركات: 8,533
معدل تقييم المستوى: 18
البرنس هانى is on a distinguished road
اقتباس:
المشاركة الأصلية كتبت بواسطة aki مشاهدة المشاركة
maqala mobde3a

رد مع اقتباس
  #5  
قديم 10-20-2014, 02:50 AM
الصورة الرمزية ahmedmokhtar
ahmedmokhtar ahmedmokhtar غير متصل
لا اله الا الله
 
تاريخ التسجيل: May 2005
الإقامة: السويس
العمر: 30
المشاركات: 1,080
معدل تقييم المستوى: 14
ahmedmokhtar is on a distinguished road
ايه الحلاوه ديه

__________________
رد مع اقتباس
  #6  
قديم 07-27-2015, 07:54 AM
egyfol egyfol غير متصل
Professional Player
 
تاريخ التسجيل: Nov 2011
المشاركات: 2,373
معدل تقييم المستوى: 9
egyfol will become famous soon enoughegyfol will become famous soon enough
Thumbs up

اقتباس:
المشاركة الأصلية كتبت بواسطة ahmedmokhtar مشاهدة المشاركة
ايه الحلاوه ديه

رد مع اقتباس
إضافة رد

الكلمات الدليلية
بيكهــــام, بـــــوكس




أدوات الموضوع
انواع عرض الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة



الساعة الآن 08:54 PM.


Powered by vBulletin® Version 3.8.7
Copyright ©2000 - 2017, vBulletin Solutions, Inc.
Content Relevant URLs by vBSEO 3.6.0 RC 2
موقع اخبارنا